ពេជ្រ សោភា ស្លៀកឈុតកូនក្រមុំ ជាមួយនឹងសារប្លែកៗ អ្នកគាំទ្រកំពុងតែសង្ស័យ!

ភ្នំពេញ៖ កាលពីម្សិលមិញ តារាចម្រៀង អ្នកនាង ពេជ្រ សោភា បានបង្ហោះរូបរបស់ខ្លួនជាមួយនឹង ឈុតសម្លៀកបំពាក់កូនក្រមុំដ៏ស្រស់ស្អាត។ ជាពិសេស តារាស្រីរូបនេះ ក៏បាន​បង្ហើរសារមួយឃ្លាថា «ជិតដល់ថ្ងៃហើយ» នៅក្នុងបណ្តាញសង្គម អ៊ីនស្តាក្រាម។ ក្រោយពីរូបនេះ ត្រូវបានសាយភាយពេញបណ្តាញសង្គមរួចមក អ្នកគាំទ្រ ក៏បានសាកសួរថា តើនាង ពិតជាមានដំណឹងល្អ ជាមួយនឹង លោក សក្កដា មែនដែរទេ? តែអ្នកខ្លះ ក៏គិតថា អ្នកនាង គ្រាន់តែស្លៀកឈុតកូនក្រមុំ ដើម្បីថតស្ពត តែប៉ុណ្ណោះ។ គួរបញ្ជាក់ផងដែរ ពេជ្រ សោភា ធ្លាប់រៀបការហើយក៏ពិតមែន ប៉ុន្តែអ្នកនាង​នៅតែមានប្រជាប្រិយភាពកាន់តែខ្លាំងឡើងៗ នៅក្នុងស្រទាប់យុវវ័យ ជាមួយនឹងបទចម្រៀងថ្មីៗដែលអ្នកនាង​បាន​និពន្ធ និងសម្រួលបទចម្រៀង ដោយខ្លួនឯងផ្ទាល់ផងដែរ៕