តើអ្នកចង់ក្លាយខ្លួនជាគ្រូបង្រៀនមុខវិជ្ជាស៊ីស្កូទេ?​

Cisco ជាកម្មវិធីសិក្សាដែលផ្តោតសំខាន់ទៅលើជំនាញបច្ចេកវិទ្យាទូរគមនាគមន៍ព័ត៌មានវិទ្យា (ICT)។ ជាង១៦០ប្រទេសនៅលើពិភពលោកបានយកកម្មវិធីសិក្សានេះទៅធ្វើការបណ្តុះបណ្តាលដល់និស្សិតរបស់ខ្លួន ក្នុងនោះប្រទេសកម្ពុជា មានចំនួន១៧ គ្រឹះស្ថានអប់រំ ដែលមានអាជ្ញាប័ណ្ណពីក្រុមហ៊ុន Cisco បាននឹងកំពុងធ្វើការបណ្តុះបណ្តាលកម្មវិធីសិក្សានេះផងដែរ។ សាកលវិទ្យាល័យ អាស៊ី អឺរ៉ុប ក៏ជាដៃគូមួយដ៏សំខាន់របស់ក្រុមហ៊ុន Cisco សហរដ្ឋអាមេរិក ដែលមានតួនាទីជាកន្លែបណ្តុះបណ្តាលលើកម្មវិធីសិក្សា Cisco គ្រប់កម្រិត (Cisco Academy) និងជាអ្នក Support ផ្នែកបច្ចេកទេសប្រចាំប្រទេសកម្ពុជា ទៅដល់គ្រប់គ្រឹះស្ថានអប់រំដែលជាដៃគូទាំងអស់របស់ក្រុមហ៊ុន Cisco លើការធានាឱ្យមានប្រសិទ្ធភាពខ្ពស់ក្នុងការបណ្តុះបណ្តាល។ ក្រៅពីនេះ សាកលវិទ្យាល័យ អាស៊ី អឺរ៉ុប ទទួលបាននូវអាជ្ញាប័ណ្ណបន្ថែមមួយទៀត ជាមជ្ឈមណ្ឌលបណ្តុះបណ្តាលប្រឡងយកសញ្ញាបត្រគ្រូបង្រៀន Cisco ពេញសិទ្ធិលើកម្មវិធីសិក្សាកម្រិត IT Essentials PC Hardware and Software (ITE Instructor Training Center) ប្រចាំប្រទេសកម្ពុជាផងដែរ។ ថ្ងៃទី១០-១១ និងថ្ងៃទី១៧-១៨ ខែមិថុនា ឆ្នាំ២០១៧ ខាងមុខនេះ សាកលវិទ្យាល័យ អាស៊ី អឺរ៉ុប នឹងបើកបង្រៀនថ្នាក់គ្រូ Cisco កម្រិត ITE PC Hardware and Software ដែលជាឱកាសសម្រាប់អ្នកដែលមានបំណងក្លាយខ្លួនជាគ្រូបង្រៀនពេញសិទ្ធិមុខវិជ្ជា Cisco ដែលទទួលស្គាល់ទូទាំងពិភពលោក។